काठमाडौं । विश्व फुटबलका चर्चित र पूर्व विश्वकप विजेता खेलाडी रोबर्टो कार्लोस नेपाल आएका छन् ।
नेपालमा जारी नेपाल सुपर लिग (एनएसएल) को रोमाञ्चक माहोल अवलोकन गर्न उनी काठमाडौं आएका हुन् । कार्लोसले शुक्रबार दशरथ रंगशालामा हुने धनगढी एफसी र पोखरा थान्डर्सबीचको दोस्रो क्वालिफायर खेल प्रत्यक्ष हेर्नेछन् । ५१ वर्षीय कार्लोस सन् २००२ मा ब्राजिललाई फिफा विश्वकप जिताउन अहम भूमिका निभाएका थिए ।
उनले सन् १९९२ देखि २००६ सम्म ब्राजिल राष्ट्रिय टिमबाट खेलेका थिए र विश्व फुटबलमा उत्कृष्ट लेफ्ट ब्याकका रूपमा चिनिन्छन् ।
प्रतिक्रिया