काठमाडौं । साताको अन्तिम दिन नेपाल स्टक एक्सचेञ्ज (नेप्से) परिसूचकमा २६.४९ अंकको वृद्धि हुँदै नेप्से २,७२२.७३ विन्दुमा पुगेको छ।
आज ३११ कम्पनीका २ करोड ३७ लाखभन्दा बढी कित्ता सेयर ९० हजारभन्दा बढी पटक खरिदबिक्री हुँदा कारोबार रकम १० अर्ब ७९ करोड ७३ लाख रुपैयाँ नाघेको छ।
सेयर बजारसँगै कारोबार रकममा पनि उल्लेख्य वृद्धि देखिएको हो। एक सय ८७ कम्पनीको सेयर मूल्य बढेको छ भने ५९ को घटेको छ।
नेपाल माइक्रो इन्स्योरेन्स कम्पनीको सेयर मूल्यमा सकारात्मक सर्किट लागेको छ भने एनआएसी एसिया डिबेन्चरको सेयरमा सबैभन्दा धेरै ४.७९ प्रतिशतको गिरावट आएको छ।
यद्यपि, व्यापार समूहबाहेक अन्य सबै सूचकहरूमा हरियाली छाएको छ।
प्रतिक्रिया