काठमाडौं । नेपाली बजारमा बिहीबार सुनको मूल्यमा ठूलो उछाल आएको छ।
नेपाल सुनचाँदी व्यवसायी महासंघका अनुसार सुनको मूल्य एकैदिन ३ हजार ६ सय रुपैयाँले बढेको हो। नयाँ दरअनुसार बिहीबार छापावाल सुनको मूल्य प्रतितोला १ लाख ९० हजार ६ सय रुपैयाँ पुगेको छ। अघिल्लो दिन यो मूल्य १ लाख ८७ हजार रुपैयाँमा कारोबार भएको थियो। त्यस्तै, चाँदीको मूल्यमा पनि सानो वृद्धि भएको छ।
अघिल्लो दिन प्रतितोला १ हजार ९५५ रुपैयाँमा कारोबार भएको चाँदी बिहीबार ५ रुपैयाँले बढेर १ हजार ९६० रुपैयाँ पुगेको छ।
यो वृद्धि विश्व बजारमा सुनचाँदीको मूल्यमा आएको परिवर्तनसँग सम्बन्धित मानिएको छ।
प्रतिक्रिया