काठमाडौं । थुनामुक्तिको माग गर्दै रवि लामिछानेले दायर गरेको रिटमा आइतबार सर्वोच्च अदालतमा सुनुवाइ सम्पन्न भएको छ।
उक्त रिट न्यायाधीश टेकप्रसाद ढुंगानाको एकल इजलासमा पेशीमा परेको हो। यसअघि उच्च अदालत तुलसीपुरको बुटवल इजलासले लामिछानेलाई पुर्पक्षका लागि थुनामा पठाउने आदेश दिएको थियो। न्यायाधीश रमेश ढकाल र स्वीकृति पराजुलीको संयुक्त इजलासले जिल्ला अदालतको धरौटीमा रिहा गर्ने आदेश उल्ट्याउँदै लामिछानेलाई कारागार चलान गर्न निर्देशन दिएको थियो।
जिल्ला अदालत रुपन्देहीले भने उनलाई १ करोड रुपैयाँ धरौटीमा रिहा गर्न आदेश दिएको थियो। उच्च अदालतको आदेशपछि हाल रवि लामिछाने रुपन्देही कारागारमा थुनामा छन्। अब सर्वोच्चको फैसलाले रविको भविष्यको कानुनी बाटो कोर्नेछ।
अदालतले फैसला कहिले सुनाउने भन्नेबारे भने जानकारी गराएको छैन।
प्रतिक्रिया