एजेन्सी । जारी इण्डियन प्रिमियर लिग (आईपीएल) अन्तर्गत बेंग्लुरूको एम चिन्नास्वामी स्टेडियममा दिल्ली क्यापिटल्सले घरेलु टोली रोयल च्यालेन्जर्स बेंग्लुरूलाई ६ विकेटले पराजित गर्दै आफ्नो अपराजित यात्रा कायम राखेको छ।
बेंग्लुरूले दिएको १६४ रनको लक्ष्य दिल्लीले १७.५ ओभरमा ७ विकेट गुमाउँदै पूरा गर्यो। यस जितमा केएल राहुल चम्किए, उनले ५३ बलमा ७ चौका र ६ छक्का प्रहार गर्दै नटआउट ९३ रन बनाए। ट्रिस्टन स्टब्सले पनि उल्लेखनीय योगदान दिँदै २३ बलमा ४ चौका र १ छक्का सहित ३८ रन जोडे। कप्तान अक्षर पटेलले १५ रन बनाए भने अन्य ब्याटर खासै चल्न सकेनन्।
बेंग्लुरूका लागि भुवनेश्वर कुमारले दुई विकेट लिए भने यस दयाल र सुयाश शर्माले एक/एक विकेट लिए। यसअघि, टस जितेर पहिले ब्याटिङ गरेको बेंग्लुरूले ७ विकेटको क्षतिमा १६३ रन बनाएको थियो। ओपनर फिल सल्टले १७ बलमा ४ चौका र ३ छक्का सहित ३७ रन बनाएका थिए।
टिम डेविडले २० बलमा २ चौका र ४ छक्का प्रहार गर्दै ३७ रन बनाएर नटआउट रहे। कप्तान रजत पाटीदारले २५, विराट कोहलीले २२ र क्रुनाल पाण्डेले १८ रन जोडे। दिल्लीका बलरहरू प्रभावशाली रहे – विपराज निगम र कुलदीप यादवले दुई/दुई विकेट लिए भने मुकेश कुमार र मोहित शर्माले एक/एक विकेट लिए।
यो जितसँगै दिल्लीले चारै खेल जित्दै ८ अंकसहित अंक तालिकाको दोस्रो स्थानमा पकड जमाएको छ। बेंग्लुरूले पाँच खेलमा दुई हार व्यहोरेको छ र ६ अंकसहित तेस्रो स्थानमा रहेको छ।
प्रतिक्रिया