मंगलबार सुनको मूल्यमा सामान्य गिरावट, चाँदी स्थिर

काठमाडौं । नेपाली बजारमा मंगलबार सुनको मूल्यमा सामान्य गिरावट आएको छ भने चाँदीको मूल्य भने अघिल्लो दिनकै अवस्थामा स्थिर देखिएको छ।

नेपाल सुनचाँदी व्यवसायी महासंघका अनुसार सोमबार तोलाको १ लाख ७३ हजार ८०० रुपैयाँमा कारोबार भएको छापावाल सुनको मूल्य मंगलबार घटेर १ लाख ७३ हजार ४०० रुपैयाँमा झरेको छ। यसले सुनको मूल्यमा ४०० रुपैयाँको गिरावट आएको देखिन्छ। यता, चाँदीको मूल्य भने यथावत् रहेको छ।

सोमबार तोलामा १ हजार ८३० रुपैयाँमा कारोबार भएको चाँदी मंगलबार पनि सोही मूल्यमा स्थिर रहेको महासंघले जानकारी दिएको छ। सुनको मूल्यमा देखिएको यो सामान्य घटावटले बजारमा सानो तहको चहलपहल ल्याउने सम्भावना रहेको विश्लेषकहरू बताउँछन्।