डोटी । सोमबार दिउँसो साढे १२ बजे डोटीको बडीकेदार गाउँपालिका–३ देउथानमा एक मिनी ट्रक दुर्घटनामा परेको छ।
जनजागरण सामुदायिक वनमा सडेगलेका काठ सङ्कलन गर्दै सेलानेको खोलामा पुर्याउन लागेको बा.प्र. ०३००१ ख २५३ नम्बरको मिनी ट्रक सडक किनारामा पल्टिँदा २७ वर्षीय सन्तोष गुरुङको मृत्यु भएको छ। प्रहरीका अनुसार दुर्घटनामा ट्रकमा रहेका काठले गुरुङलाई च्यापेर घटनास्थलमै मृत्यु भएको थियो।
सोही ट्रकमा सवार लोकबहादुर पल्ली मगर, जो सामुदायिक वनका अध्यक्ष हुन्, घाइते भएका छन्। घाइते व्यक्तिको उपचार स्थानीय मूलीचौर स्वास्थ्यचौकीमा भइरहेको र उनको अवस्था मध्यम रहेको वडाध्यक्ष प्रकाश लामाले जानकारी दिएका छन्।
प्रहरीले ट्रक चालक गोपाल बडेला (२९), बडिकेदार गाउँपालिका–२ बर्छैनका, को खोजी जारी राखेको जनाएको छ।
प्रतिक्रिया