पश्चिमी र स्थानीय वायुले असर, केही क्षेत्रमा वर्षा र हिमपातको सम्भावना

काठमाडौं । हाल देशभर पश्चिमी वायु र स्थानीय वायुको आंशिक प्रभाव देखिएको छ, जसका कारण मौसममा सामान्य परिवर्तन आएको छ।

मौसम पूर्वानुमान महाशाखाका अनुसार आज दिउँसो देशको पहाडी भू-भागमा आंशिक बदली रहनेछ भने अन्य क्षेत्रहरूमा मौसम प्रायः सफा रहनेछ। कोशी, बागमती, गण्डकी र कर्णाली प्रदेशका उच्च पहाडी तथा हिमाली क्षेत्रका एक–दुई स्थानमा हल्का वर्षा वा हिमपात हुन सक्ने सम्भावना रहेको छ।

आज रातिको मौसमको कुरा गर्दा, कोशी र गण्डकी प्रदेशका पहाडी भू-भागमा आंशिक बदली रहने अनुमान गरिएको छ भने अन्य क्षेत्रहरूमा मौसम सामान्यतया सफै रहने महाशाखाले जनाएको छ।

मौसममा यस्ता परिवर्तनहरूसँगै यात्रु तथा किसानहरूलाई आवश्यक सतर्कता अपनाउन मौसमविद्हरूले सुझाव दिएका छन्।