काठमाडौँ । शुक्रबार साँझ जाजरकोट केन्द्रबिन्दु भएर ५.२ म्याग्निच्युडको भूकम्प गएको छ।
राष्ट्रिय भूकम्प मापन केन्द्रका अनुसार भूकम्प साँझ ८ बजेर ७ मिनेटमा गएको हो भने यसको केन्द्रबिन्दु पैंक क्षेत्र आसपास रहेको जनाएको छ। भूकम्पको धक्का जाजरकोटसहित वरपरका जिल्लाहरूमा पनि स्पष्ट रुपमा महसुस गरिएको थियो। स्थानीयवासीहरू घर बाहिर निस्कँदा केही समयको लागि त्रासको अवस्था सिर्जना भएको थियो।
यसअघि बिहीबार दार्चुलाको अपी हिमाल आसपास ४ म्याग्निच्युडको भूकम्प गएको थियो। त्यसको केही दिनअघि चैत १३ गते हुम्ला जिल्लाको कालिका क्षेत्र केन्द्रबिन्दु बनाउँदै ४.५ म्याग्निच्युडको अर्को भूकम्प पनि गएको थियो। साता दिनमै तीन पटक लगातार भूकम्प गएपछि पश्चिम तथा सुदूर पश्चिम क्षेत्रका बासिन्दामा चिन्ता थपिएको छ।
भूगर्भविद्हरूले सतर्कता अपनाउन सुझाव दिएका छन्।
प्रतिक्रिया