काठमाडौं । भाटभटेनी सुपरमार्केटका मालिक मिनबहादुर गुरुङले कोटेश्वरस्थित भाटभटेनीमा कार्यरत सुरक्षागार्ड कृष्णप्रसाद पराजुलीलाई विशेष कार्यक्रम मार्फत सम्मानित गरेका छन्।
बुधबार आयोजित एक समारोहमा, गुरुङले पराजुलीलाई ५ लाख १ हजार १ सय ११ रुपैयाँको पुरस्कारसहित सम्मान गरेका हुन्। यो सम्मान सुरक्षागार्ड पराजुलीको साहसिक कार्यको मूल्यांकन स्वरूप दिइएको हो।
गत शुक्रबार काठमाडौंको तीनकुने क्षेत्रमा राजावादीहरूले गरेको प्रदर्शनका दौरान केही व्यक्तिहरू भाटभटेनी सुपरमार्केटमा चोरीमा संलग्न भएका थिए। जब अन्य प्रदर्शनकारीहरू प्रहरीसँग झडपमा संलग्न थिए, पराजुलीले लुटपाटमा संलग्नलाई लट्ठीको सहायताले पक्रेर लखेटेका थिए।
उक्त घटना सामाजिक सञ्जालमा भाइरल भएपछि पराजुलीको साहसिकता र निष्ठालाई व्यापक सराहना प्राप्त भएको थियो।
त्यसैगरी, कार्यक्रमको क्रममा ड्युटीमा रहेका अन्य दुई सुरक्षागार्डलाई पनि जनही २५ हजार रुपैयाँ पुरस्कारसहित सम्मानित गरिएको थियो।
प्रतिक्रिया