वासिङ्टन डीसी । अमेरिकामा एकपटक फेरि विमान दुर्घटना भएको छ। आयोवाबाट मिनेसोटातर्फ गइरहेको एक सानो विमान ब्रुकलिन पार्कमा दुर्घटनाग्रस्त भएको हो, जसमा कम्तीमा एक जनाको मृत्यु भएको छ।
यो दुर्घटना शनिवार मिनियापोलिसको उपनगर ब्रुकलिन पार्कमा भएको थियो। दुर्घटनामा सवार व्यक्तिहरूको संख्या अझै पुष्टि हुन सकेको छैन, तर विमानमा ६ जनासम्म सवार हुने क्षमता थियो।
ब्रुकलिन पार्कका प्रवक्ता रिसिकत अदेसाओगुनका अनुसार, घरका बासिन्दाहरू सुरक्षित छन्, तर घर आगलागीबाट पूरै नष्ट भएको छ। एफएएका अनुसार, विमान डेस मोइन्स अन्तर्राष्ट्रिय विमानस्थलबाट उडेको र अनोका काउन्टी–ब्लेन विमानस्थलमा अवतरण गर्न लागेको थियो।
घटनाको अनुसन्धान राष्ट्रिय यातायात सुरक्षा बोर्डले गरिरहेको छ।
प्रतिक्रिया