नेपाली राष्ट्रिय क्रिकेट टोलीको मुख्य प्रशिक्षकमा स्टुअर्ट ल नियुक्त

काठमाडौं । नेपाली राष्ट्रिय क्रिकेट टोलीको मुख्य प्रशिक्षकमा स्टुअर्ट ल नियुक्त भएका छन् ।

नेपाल क्रिकेट संघ (क्यान) ले अष्ट्रेलियन प्रशिक्षक ल लाई दुई वर्षका लागि प्रशिक्षक नियुक्त गरेको जनाएको छ । क्यानले मुख्य प्रशिक्षक पदका लागि आवेदन परेका ७० जनाबाट १० जनाको नाम सर्टलिस्ट गरेर अन्तर्वार्ता लिएको थियो । त्यसबाट ल लाई नियुक्त गरेको हो । उनको पदावधी अप्रिलदेखि दुई वर्षको लागि हुनेछ ।

५६ वर्षीय ल अनुभवी प्रशिक्षक हुन् । उनले श्रीलंका, बंगलादेश, वेष्ट इन्डिज, अफगानिस्तान र अमेरिकाको मुख्य प्रशिक्षक भएर काम गरिसकेका छन् । उनी सन् १९९६ को विश्वकपमा अष्ट्रेलिया उपविजेता हुँदा त्यसको सदस्य थिए ल ले अष्ट्रेलियाका लागि ५४ ओडिआई म्याच खेलेका छन् । यस्तै उनले एक टेष्ट म्याच समेत खेलेका थिए ।

फस्ट क्लास मा ल ले २७ हजार भन्दा बढी रन बनाएका छन् ।