काठमाडौं । काठमाडौंको तीनकुने क्षेत्रमा राजावादी प्रदर्शनकारीहरूको आक्रोश उग्र बनेपछि काठमाडौँ प्रशासनले कर्फ्यु आदेश जारी गरेको छ। प्रदर्शनकारीहरूले निजी घरहरूमा तोडफोड र आगजनी गर्न थालेपछि सुरक्षा व्यवस्थालाई मजबुत बनाउन कर्फ्यु लागू गरिएको हो।
काठमाडौँका प्रमुख जिल्ला अधिकारी, ऋषिराम तिवारीका अनुसार, कर्फ्यु आदेश शान्तिनगर पुलदेखि जडीबुटी र मनोहरा खोला पुलसम्म जारी गरिएको छ। कर्फ्यु आदेश जारी गर्नु अघि प्रहरीले माइकिङ गरेर जनतालाई सचेत गराएको थियो।
प्रदर्शनकारीहरूको उग्र विरोधपछि प्रहरीले अश्रुग्यास र हवाई फायर प्रयोग गरेर प्रदर्शनकारीहरूलाई तितरबितर पारेको छ। तीनकुने क्षेत्रको प्रदर्शनस्थल अब खाली गराइएको छ, जहाँ प्रदर्शनकारीहरूले स्टेजमै अश्रुग्यासको सामना गर्नुपरेको थियो।
प्रदर्शनकारीहरूले व्यक्तिगत घरहरूमा ढुंगामुढा प्रहार गरेका थिए, जसपछि प्रहरीले कडा कारवाही गरेको छ।
प्रतिक्रिया