एजेन्सी । जारी इन्डियन प्रिमियर लिग (आईपीएल) अन्तर्गत गएराति भएको खेलमा कोलकाता नाइट राइडर्सले राजस्थान रोयल्सलाई ८ विकेटले पराजित गरेको छ ।
सुरुवाति ब्याटिङ गरेको राजस्थानले निर्धारित २० ओभरमा ९ विकेट गुमाउँदै १५१ रन बनाएको थियो । जबाफी ब्याटिङमा उत्रिएको कोलकाताले १७ दशमलव ३ ओभरमा २ विकेटको क्षतिमा १५३ रन बनाउँदै लक्ष्य पूरा गरेको हो । राजस्थानका लागि यसश्वी जयसवालले २९, सन्जु सामसनले १३, रियान परागले २५, ध्रुव जुरेलले ३३ तथा जोफ्रा अर्चरले १६ रन जोडे ।
बलिङतर्फ पनि राजस्थानका वाइनिन्दु हसरंगाले १ विकेट लिए । कोलकाताका लागि क्विन्टन डिककले अविजित ९७ रनको पारी खेल्दा अजिङ्क्या राहाणेले १८ तथा अङ्गकृष रघुवंशीले २२ रन जोडे ।
बलिङतर्फ कोलकाताका लागि वैभव अरोरा, हर्षित राना, मोइन अली र वरुण चक्रवर्तीले २/२ विकेट लिँदा स्पेन्सर जोनसनले १ विकेट लिए ।
प्रतिक्रिया