बुटवल । भैरहवा निवासी डा. अच्युत अर्यालले गैरआवासीय नेपाली संघ (एनआरएनए) न्यूजील्यान्डको अध्यक्ष पदमा उम्मेदवारी दिने घोषणा गरेका छन्।
शिक्षा जीवनको सुरुवात भैरहवाका श्री ५ इन्द्रराज लक्ष्मी माध्यमिक विद्यालय र लिलाराम न्यौपाने माध्यमिक विद्यालयबाट एसएलसी उत्तीर्ण गरेका अर्यालले पोखराबाट वन विज्ञानमा स्नातक र जर्मनीबाट स्नातकोत्तर अध्ययन पूरा गरे। त्यसपछि, उनले न्यूजील्यान्डको म्यास्सी विश्वविद्यालयबाट पीएचडी पनि पूरा गरेका छन् ।
डाक्टर अर्याल केही वर्षदेखि न्यूजील्यान्डमा बसोबास गर्दै आएका छन् र एनआरएनए अभियानमा सक्रिय छन्। उनले नेपाली समुदायको हकहित, प्रवासी नेपालीहरूको एकता र समृद्धि सँगै नेतृत्व प्रदान गर्ने उद्देश्यले उम्मेदवारी दिएको बताए।
उनको उम्मेदवारीले आगामी एनआरएनए न्यूजील्यान्ड चुनावमा नयाँ दिशा र सम्भावनाहरू ल्याउने अपेक्षा गरिएको छ।
प्रतिक्रिया