काठमाडौं । च्याम्पियन्स ट्रफीमा भारतविरुद्ध सेमिफाइनलमा पराजित भएसँगै अस्ट्रेलियाका कप्तान स्टेभन स्मिथले एक दिवसीय क्रिकेटबाट सन्यासको घोषणा गरेका छन् ।
च्याम्पियन्स ट्रफी अन्तर्गत मंगलबार राति भएको पहिलो सेमिफाइनल खेलमा भारतसँग पराजित भएसँगै उनले सन्यास घोषणा गरेका हुन् । १ सय ७० वटा एकदिवसीय खेल खेलेका स्मिथले ४३ दशमलव ३ को औसतमा पाँच हजार आठ सय रन बनाए। उनको टेष्ट खेलको औसत भने ५६ दशमलव ७ रहेको छ ।
१ सय १६ वटा टेष्ट खेलेका उनले १० हजार २ सय ७१ रन बनाएका छन्। यसका साथै उनले वान डे करिअरमा २८ विकेट पनि लिएका छन् । स्मिथ २०१५ र २०२३ आईसीसी एक दिवसीय विश्वकप जित्ने अस्ट्रेलियाली टिमका सदस्यसमेत हुन् ।
२०१५ मा उनलाई अन्तर्राष्ट्रिय एक दिवसीय टिमको कप्तान बनाइएको थियो ।
प्रतिक्रिया