काठमाडौं । जारी च्याम्पियन्स ट्रफी २०२५ अन्तर्गतको छैटौं खेलमा आज न्युजिल्याण्ड र बंगलादेश भिड्दैछन् ।
खेल रावलपिंडी क्रिकेट रंगशालामा दिउँसो २ः४५ बजे सुरु हुनेछ। न्युजिल्याण्ड र बंगलादेशबीचको आजको खेलले पाकिस्तानको भविष्य समेत तय गर्नेछ । आजको खेल न्युजिल्याण्डले जितेको खण्डमा पाकिस्तान प्रतियोगिताबाट बाहिरिने छ । सन् २०१७ मा भएको पछिल्लो च्याम्पियन्स ट्रफीमा बंगलादेशले न्युजिल्याण्डलाई समूह चरणबाटै बाहिर पठाएको थियो।
बंगलादेश सेमिफाइनलमा पुगेको थियो। च्याम्पियन्स ट्रफीमा दुवै टोली दुई पटक आमनेसामने भएका छन्। दुवैले १-१ खेल जितेका छन्। समग्रमा हेर्दा बंगलादेश भन्दा न्युजिल्याण्ड केही बलियो देखिन्छ ।
दुवै टोली ४५ पटक आमनेसामने भए। यसमा न्युजिल्याण्डले ३३ खेल जितेको छ भने बंगलादेशले ११ खेल जितेको छ। जबकि १ खेलको नतिजा तय हुन सकेन।
प्रतिक्रिया