काठमाडौं । अन्तर्राष्ट्रिय महिला च्याम्पियनसिपको आफ्नो दोस्रो खेलमा पनि नेपाल विजयी भएको छ ।
लेबनानलाई १-० गोल अन्तरले हराउँदै नेपालले आफ्नो अपराजित यात्रा कायम राखेको हो । यो जितसँगै नेपाल इन्टरनेसनल वुमेन्स च्याम्पियनसिपको फाइनलमा पुगेको छ । लिग चरणमा नेपालले अझै एक खेल खेल्न बाँकी छ । शनिबार नेपाल र म्यानमारबीच लिग चरणको खेल हुनेछ ।
बिहीबार नेपालको जितमा सावित्रा भण्डारी साम्बाले पहिलो हाफमै गरेको गोल नै निर्णायक बन्यो । यो नतिजासँगै नेपालले दुई खेलबाट ६ अंक पुर्याएको छ । म्यानमारले पनि समान खेलबाट ६ अंक पुर्याएको छ ।
लेबनान र कीर्गिस्तान भने एक खेलअगाबै प्रतियोगिताबाट बाहिरिएका छन् ।
प्रतिक्रिया