एजेन्सी । इङल्याण्डविरुद्धको एकदिवसीय सिरिजमा भारतले क्लीन स्वीप गरेको छ।
भारतले तेस्रो खेल १४२ रनले जितेर सिरिज ३–० ले जितेको हो। भारतले दिएको ३ सय ५७ रनको लक्ष्य पछाएको इङल्याण्डले ३४ दशमलव २ ओभरमा अल आउट हुदै २ सय १४ रन मात्र बनाएको थियो। इङल्याण्डका लागि टम बानटन र गस अटकिन्सनले ३८–३८ रन बनाएका थिए।
भारतीय बलर अर्शदीप सिंह, हर्षित राना, हार्दिक पाण्डेय र अक्क्षर पटेलले २–२ विकेट लिएका थिए। यस अघि पहिला ब्याटिंग गरेको भारतले ५० ओभरमा अल आउट हुदै ३ सय ५६ रन बनाएको थियो।
भारतका लागि शुभमन गिलले १ सय १२ रनको शतकीय पारी खेलेका थिए भने श्रेयस अय्यरले ७८ र विराट कोहलीले ५२ रन बनाएका थिए।
प्रतिक्रिया