रौतहट । रौतहट जिल्लाको राजदेवी नपा वडा नं ७ निवासी उमेश यादवको कान्छो छोरा २२ बर्षीय सुरज यादवको नदीमा डुबेर मृत्यु भएको छ ।
राजदेवी न.पा वडा नं ६ राजदेवी स्थित बागमती नदीमा हिजो बेलुकी सरस्वती माताको मूर्ति सेलाउने क्रममा युवक यादव डुबेको थियो । राति अबेरसम्म सुरक्षाकर्मी र स्थानीयहरूले खोजतलास गरेपनि भेट्न सकेनन् तर आज बिहानैदेखि पुनः स्थानीय र सुरक्षाकर्मीको सामूहिक खोजतलास पश्चात् पानी भित्र मृत अवस्थामा शव जालमा फेला परेको छ ।
युवक यादवको शव अहिले पोस्टमार्टमको लागि प्रादेशिक अस्पताल गौरमा राखिएको छ ।
प्रतिक्रिया