काठमाडौं । जारी जारी त्रिकोणात्मक टी २० सिरिजअन्तर्गत नेपालले आफ्नो चौथो खेलमा थाइल्यान्डविरुद्ध टस हारेर पहिले बलिङ गर्ने भएको छ।
प्रतियोगितामा थाइल्यान्डविरुद्ध दोस्रो पटक भिड्न लागेको नेपाल प्रतियोगितामा पहिलो जितको खोजिमा रहेको छ। प्रतियोगितामा शतप्रतिश जितसहित शीर्ष स्थानमा रहेको थाइल्यान्डविरुद्ध नेपाल पहिलो खेलमा पराजित भएको थियो। त्यस्तै नेपालले नेदरल्यान्ड्स्विरुद्धका दुई खेल पनि गुमायो।
शृखलामा एक टिमले ३ खेल खेल्ने कार्यसूची रहेको छ। यस्तोमा नेपालको आजसहित कुल तीन खेल बाँकी रहँदा उपाधिका लागि भने सबै तीन खेल फराकिलो अन्तरले जित्नु पर्ने दबाब छ। जारी सिरिजको पहिलो खेलमा नेपालले ३० जनवरीमा नेदरल्यान्ड्ससँग २० रनले पराजित हुँदै प्रतियोगिताको सुरुवात गरेको थियो।
तालिकामा थाइल्यान्ड तीन खेलमा तीनै जीत निकाल्दै ६ अङ्कका साथ शीर्ष स्थानमा रहेको छ। दोस्रो स्थानमा रहेको नेदरल्यानड्सले नेपाललाई २ खेलमा हराएर ४ अङ्कका साथ दोस्रो स्थानमा छ।
प्रतिक्रिया