काठमाडौं । नेपाली पुरुष राष्ट्रिय क्रिकेट टोलीका मुख्य प्रशिक्षक मोन्टी देसाईको दुई वर्षे कार्यकाल सकिएको छ ।
नेपाल क्रिकेट सङ्घ (क्यान) ले देसाईको कार्यकाल नथप्ने यसअघि नै घोषणा गरिसकेको थियो । सोहि आधारमा क्यानले आज विज्ञप्ति जारी गर्दै देसाईलाई धन्यवाद सहित विदा गरेको छ । क्यानले आफ्नो आधिकारिक फेसबुक पेजमार्फत मोन्टीले ल्याएको ह्याप्पी ड्रेसिङ र नेपाली क्रिकेटले प्राप्त गरेको सफलताका लागि उनलाई धन्यावाद ज्ञापन गरेको छ ।
भारतीय मूलका मोन्टी देसाई विं.सं.२०७९ माघमा नेपाली क्रिकेट टोलीको मुख्य प्रशिक्षक नियुक्त भएका थिए । देसाईको प्रशिक्षणमा नेपालले एकदिवसीय हैसियत जोगाउनेदेखि एशिया कपमा भारत र पाकिस्तानजस्ता बलिया टोलीसँग खेल्ने मौका पाएको थियो । यस्तै नेपालले १० वर्षपछि आईसीसी टी–२० विश्वकप क्रिकेट समेत खेलेको थियो ।
मोन्टिको विदाईसँगै क्यानले नयाँ प्रशिक्षकको खोजि समेत गरिरहेको छ ।
प्रतिक्रिया