महिला त्रिकोणात्मक टी–२० सिरिजः पहिलो खेलमा नेपाल २० रनले पराजित

काठमाडौं । टीयू क्रिकेट मैदानमा आजबाट सुरु भएको त्रिदेशीय महिला टी २० शृंखलाको पहिलो खेलमा नेपाल नेदरल्यान्ड्ससँग २० रनले पराजित भएको छ।

नेदरल्यान्ड्सले दिएको १ सय ५८ रनको लक्ष्य पछ्याउने क्रममा नेपालले सात विकेटको क्षतिमा १ सय ३७ रन मात्रै बनाउन सक्यो। नेपालका लागि सीता राना मगरले २८, कविता जोशीले २७, पूजा महतोले २४ र रुविना क्षेत्रीले ११ रन बनाइन्। अन्य खेलाडीले राम्रो प्रदर्शन गर्न सकेनन्।

नेदरल्यान्डसका लागि कोर्लिन डिलङ र इभा लिन्चले दुई/दुई तथा आइरिस विलिङ र फ्रेडेरिक ओभरडिजले एक/एक विकेट लिइन्।

यसअघि ब्याटिङ गरेको नेदरल्यान्ड्सले चार विकेटको क्षतिमा १ सय ५७ रन बनाएको थियो।