यू-१९ महिला विश्वकपः बंगलादेशलाई हराउँदै भारत सेमिफाइनलमा

एजेन्सी । मलेसियामा जारी यू-१९ महिला विश्वकपको सुपर सिक्स अन्तर्गतको दोस्रो खेलमा बंगलादेशलाई ८ विकेटले हराउँदै भारतले सेमिफाइनलको यात्रा तय गरेको छ ।

जितका लागि बंगलादेशले दिएको ६५ रनको लक्ष्य भारतले ७ दशमलव १ ओभरमा मात्र दुई विकेट गुमाएर भेट्टायो । भारतको जितमा गोङ्दी त्रिशाले बिस्फोटक ब्याटिङ गर्दै रन बनाइन् । बलको सामना गरेकी उनले ५ चौका हिर्काइन् । सानिका चाल्केले ११ रन जोडिन् ।

त्यसअघि मलेसियाको बायोमास ओभलमा टस हारेर पहिले ब्याटिङमा तानिएको बंगालादेशले निर्धारित ओभरमा ८ विकेट गुमाउँदै ६४ रन मात्र बनाएको थियो । बंगालादेशकालागि सुमैया अख्तरले अविजित रहँदै सर्वाधिक २१ रनको योगदान गरिन्। जन्नतुल मौआले १४ रन बनाइन् ।

बंगलादेशलाई सस्तैमा समेट्ने क्रममा बलिङतर्फ भारतकी वैष्णवी शर्माले सर्वाधिक तीन विकेट लिइन् । सुपर सिक्स अन्तर्गत आजका लागि तय भएको श्रींलका र स्कटल्याण्डबीचको पहिलो खेल भने वर्षाका कारण रद्द भएको छ ।

वर्षा बाधक बन्दा टस समेत हुन नसकेको खेलमा दुवैै टोलीले १–१ अंक बाँडेका छन् ।