इङ्ल्यान्डविरुद्धको दोस्रो टी–२० क्रिकेटमा पनि भारत विजयी

काठमाडौं । भारतले इङ्ग्ल्यान्डलाई दोस्रो टी–२० क्रिकेटमा पनि पराजित गरेको छ ।

शनिबार साँझ चेन्नाईमा भएको खेलमा घरेलु टोली भारतले इङ्ग्ल्यान्डलाई २ विकेटले पराजित गरेको हो । भारतको जितमा तिलक वर्मा नायकले ७२ रनको शानदार अविजित इनिङ खेले । टस हारेर पहिले ब्याटिङ रोजेको इङ्ग्ल्यान्डले निर्धारित २० ओभरमा ९ विकेट गुमाएर १ सय ६५ रन बनाएको थियो ।

इङ्ग्ल्यान्डका लागि कप्तान जोस बटलरले सर्वाधिक रन बनाए । उनले ४५ रनको इनिङ खेले । यस्तै ब्रेडेन कार्सले ३१ रन बनाए । भारतका लागि अक्षर पटेल र वरुण चक्रवर्तीले समान २–२ विकेट लिए ।

जवाफी ब्याटिङमा आएको भारतले १९ दशमलव २ ओभरमा ८ विकेट गुमाएर १ सय ६६ रन बनाउँदै लक्ष्य भेट्टायो ।