काठमाडौं । साताको तेस्रो कारोबारको दिन मंगलबार सेयर बजार परिसूचक सामान्य अंकले बढेको छ ।
आज ५ दशमलव ०८ अंकले बढेको नेप्से २ हजार ६ सय १३ विन्दुमा कायम भएको छ । आज नेप्से परिसूचक बढ्दा पनि कारोबार रकम भने घटेको छ । अघिल्लो दिन ६ अर्ब ५७ करोडको कारोबार भएकोमा आज ६ अर्ब १९ करोडको भयो । १०६ कम्पनीको मूल्य बढ्दा १३९ को घट्यो भने ८ को स्थिर रह्यो ।
यस दिन बीमा सेक्टरमा आकर्षण देखिएको छ । जीवन बीमा १ दशमलव १० र निर्जीवन बीमा १ दशमलव ७८ प्रतिशत बढे । व्यापार समूह सबैभन्दा धेरै २ दशमलव १० प्रतिशत घट्यो । हाइड्रोपावर ० दशमलव ९२, फाइनान्स १ दशमलव ०३, बैंकिङ ० दशमलव ३५ प्रतिशत घटे । रिभर फल्स पावरको मूल्य सबैभन्दा धेरै ८ दशमलव ९ प्रतिशत घट्यो ।
मानुषी लघुवित्तको ६ दशमलव ७, तथा जानाकी फाइनान्सको ५ दशमलव ६ प्रतिशत घट्यो । कारोबार रकमका आधारमा सीएचडीसी, सप्तकोशी, नेपाल पुनर्बीमा, सुपरमादी तथा माथिल्लो मैलुङ क्रमशः अगाडि रहे ।
प्रतिक्रिया