एजेन्सी । भारतमा एक पशिक्षार्थी डाक्टरको बलात्कार पछि हत्या गरेको आरोपमा दोषी ठहरिएका सञ्जय रोयलाई आजीवन काराबारको सजाय सुनाइएको छ ।
सियालदह अदालतले सोमबार रोयलाई यस्तो सजाय सुनाएको हो । ५ माघमा न्यायाधीश अनिर्बान दासको एकल इजलासले रोयलाई बलात्कारपछि हत्या गरेको आरोपमा दोषी ठहर गरेको थियो । अदालतले घटनाको १ सय ६२ दिनपछि फैसला सुनाएको थियो । उनलाई भारतीय न्यायिक संहिताको धारा ६४ र १०३ (१) अन्तर्गत दोषी ठहर गरिएको थियो ।
सीबीआईले रोयलाई मृत्युदण्ड दिन माग गरेको थियो । गत अगस्ट ९ राति आरजी कार अस्पतालमा प्रशिक्षार्थी डाक्टरको बलात्कारपछि हत्या भएको थियो । साउन ९ गते बिहान सेमिनार हलमा डाक्टरको शव भेटिएको थियो ।
सीसीटीभी फुटेजको आधारमा प्रहरीले सञ्जय रोय नामका सिभिक स्वयंसेवकलाई अगस्ट १० मा पक्राउ गरेको थिए ।
प्रतिक्रिया