काठमाडौं । मलेसियामा जारी महिला यू-१९ टी-२० विश्वकप क्रिकेट अन्तर्गत आफ्नो पहिलो खेलमा नेपाल बंगलादेशसँग पराजित भएको छ ।
नेपालले दिएको ५३ रनको लक्ष्य पछाएको बंगलादेशले १३ दशमलव २ ओभरमा ५ विकेट गुमाउदै लक्ष्य पुरा गरेको थियो । समुह डी अन्तर्गतको पहिलो खेलमा टस हारेर पहिला ब्याटिंग गरेको नेपालले १८ दशमलव २ ओभरमा अल आउट हुदै ५२ रन मात्रै बनाएको थिथो । अब नेपालले दोस्रो खेल जनवरी २० मा स्कटल्याण्डसँग खेल्ने छ ।
आजदेखि शुरु भएको विश्वकपमा नेपाल समुह डी मा रहेको छ । समुह डी मा नेपालसहित अस्ट्रेलिया, बंगलादेश र स्कटल्याण्ड रहेका छन् । नेपालले पहिलो खेल आज बंगलादेशसँग खेल्दै छ भने दोस्रो खेल जनवरी २० मा स्कटल्याण्डसँग खेल्दै छ ।
त्यस्तै तेस्रो खेल जनवरी २२ मा अस्ट्रेलियासँग खेल्ने तालिका रहेका छन् ।
प्रतिक्रिया