एजेन्सी । पाकिस्तानका पूर्वप्रधानमन्त्री इमरान खान र उनकी पत्नी बुशरा बिबीलाई ‘अल-कादिर ट्रस्ट प्रकरण’मा दोषी ठहर गर्दै १४ वर्ष र ७ वर्षको जेल सजाय सुनाइएको छ ।
शुक्रबार न्यायाधीश नासिर जावेद राणाले अदियाला जेलमा बनाइएको अस्थायी अदालतमा यो फैसला सुनाएका हुन् । ‘अल-कादिर ट्रस्ट’ को १९० मिलियन युरो (नेपाली रुपैयाँ करिब २७ अर्ब) हिनामिना गरेको भन्दै अदालतले यस्तो सजाय सुनाएको हो । अदालतले इमरानलाई १० लाख रुपैयाँ र बुशरालाई ५ लाख रुपैयाँ जरिवाना पनि तोकेको छ ।
जरिवाना तिर्न नसके इमरानलाई थप ६ महिना र बुशरालाई थप ३ महिना जेल सजाय हुने अदालतले आदेशमा उल्लेख छ । पाकिस्तानी सञ्चारमाध्यम डनका अनुसार अदालतले उनीहरूलाई पक्राउ गरी जेलमा हस्तान्तरण गर्न आदेश दिएको हो । यो मुद्दा सार्वजनिक कोषको दुरुपयोग र ट्रस्टको स्थापना सम्बन्धी आरोपहरूसँग जोडिएको छ ।
खान सन् २०२३ को अगष्टदेखि जेलमा छन् । उनीमाथि करिब २०० वटा मुद्दा लगाइएका छन् ।
प्रतिक्रिया