काठमाडौं । जारी प्रधानमन्त्री कप महिला टी २० क्रिकेट प्रतियोगितामा सशस्त्र प्रहरी बलको एपिएफ क्लबले लगातार दोस्रो जित निकालेको छ।
कैलालीको धनगढीस्थित फाप्ला मैदानमा बुधबार एपिएफले गण्डकी प्रदेशमाथि ८ विकेटको जित निकाल्यो। अघिल्लो दिन एपिएफले कर्णालीलाई १ सय ११ रनले हराएको थियो। गण्डकीले दिएको ७१ रनको लक्ष्य एपिएफले ९ दशमलव ३ ओभरमा २ विकेट गुमाएर पूरा गर्यो। एपिएफकी कप्तान इन्दू बर्माले २६ रन र रोमा थापा १४ रनमा नटआउट रहे।
त्यसअघि राजमती ऐरी ८ रन र ममता चौधरी १४ रनमा आउट भएका थिए। हुस्सुका कारण १५ ओभरमा झारिएको खेलमा टस जितेको एपिएफले फिल्डिङ रोजेपछि पहिले ब्याटिङ गरेको गण्डकीले ५ विकेटको क्षतिमा ७० रन बनाएको थियो।
प्रतिक्रिया