काठमाडौं । प्रधानमन्त्री कप महिला क्रिकेट अन्तर्गत मंगलबार बिहान भएको पहिलो खेलमा सुदूरपश्चिम प्रदेशले विजयी सुरूवात गरेको छ ।
समूह ए को खेलमा सुदूरले गण्डकीलाई ७ विकेटले हराएको हो । गण्डकीले दिएको ५६ रनको लक्ष्य सुदूरले १०औं ओभरमा ३ विकेटको क्षतिमा पूरा गर्यो । सुदूरका लागि रेवती धामीले अविजित २१ रन बनाइन् । मनिषा बोहराले ९ रन बनाइन् । गण्डकीका लागि आकृति तिवारी र अपेक्षा बुढाथोकीले एक(एक विकेट लिए ।
खराब मौसमका कारण ढिला गरी सुरू भएको खेल १५ ओभरमा झारिएको थियो ।
टस हारेर पहिले ब्याटिङ गरेको गण्डकीले १५ ओभरमा ७ विकेट गुमाएर ५५ रन बनाएको थियो ।
प्रतिक्रिया