काठमाडौं । आज बि.सं. २०८१ साल पुष २७ गते शनिबार ।
ई.सं. २०२५ जनवरी १२, नेपाल सम्बत ११४५ । आज नेपालमा सूर्योदय बिहान ६ः५५ बजे हुनेछ भने सूर्यास्त साँझ ५ः२८ बजे हुनेछ । आज कुनै महत्वपूर्ण कामको शुरुवात गर्दै हुनुहुन्छ भने शुभ समय बिहान ६ः५५ बजे देखि ८ः१४ बजेसम्म रहेको छ । अब सुरु गरौँ आजको राशिफल…
मेष (चु, चे, चो, ला, लि, लु, ले, लो, अ) –
अध्ययनप्रतिको लगाव बढ्नुका साथै अभिव्यक्ति कौशलमा निखार आउने छ । सञ्चार वा नेटवर्किङका विभिन्न माध्यमले अल्मल्याउन सक्छन् । पराईसँग व्यवहार गर्दा शब्दहरूको चयन र प्रस्तुतिमा विशेष ध्यान दिनुहोला । कार्यक्षमताको प्रदर्शन गर्दै धन, मान र प्रतिष्ठा कमाउने योग रहेको छ ।
बृष (इ, उ, ए, ओ, बा, बि, बु, बे, बो) –
जीवनशैली र उठबसमा परिवर्तन गर्नसके प्रेम जीवनमा समेत सकारात्मक प्रभाव पर्ने देखिन्छ । केही समय आफ्नो स्वास्थ्यका लागि छुट्याउनु आवश्यक छ । कार्यस्थल र घरपरिवारमा खुसी र उमंगको वातावरण बन्नेछ । आर्थिक मन्दी चल्दैछ भने नयाँ रणनीति बनाएर अघि बढ्नु उपयुक्त होला ।
मिथुन (का, कि, कु, घ, ङ, छ, के, को, ह) –
आर्थिक तनावले पतिपत्नीका बीचमा विवाद चुलिनसक्ने देखिन्छ । शारिरीक थकानले मनमा अशान्ती पैदा गर्नसक्छ । धनको मामिलामा उदासीन हुनु उपयुक्त नहोला । हतारमा निर्णय गर्नु उपयुक्त नहोला । नयाँ कामको थालनी गर्दै हुनुहुन्छ भने आफुभन्दा ठूलाको सुझाव लिएर मात्रै अघि बढ्नुहोला ।
कर्कट (हि, हु, हे, हो, डा, डि, डु, डे, डो) –
आफ्नो सोख पुरा गर्ने चाहले दैनिक खर्चमा बृद्धि हुनसक्छ । सहकर्मी र साथिभइको सहयोगले कुनै महत्वपूर्ण काम बन्नेछ । व्यक्तिगत खुसी, आनन्द र मोजमस्तीका लागि समय छुटउनु राम्रो हुन्छ । व्यापार व्यवसायमा सफलता मिल्नेछ । खर्चको मात्रा बढ्ने समय रहेकाले बजेटलाई सन्तुलनमा राख्ने प्रयास गर्नुहोला ।
सिंह (मा, मि, मु, मे, मो, टा, टि, टु, टे) –
परामर्श सेवा, प्रकाशन तथा प्रसारण, वकालत, शेयार बजार जस्ता कामबाट फाइदा लिन सकिनेछ । काममा धपेडी हुनुका साथै अनेकन बाधा आउनसक्छन् । भाग्य भरोेसामा रहने भन्दा पनि स्वयं आफूलाई विश्वास गरेर अघि बढ्नु उपयुक्त होला । परीक्षाको तयारी गर्दै हुनुहुन्छ भने उत्तम परिणाम प्राप्त हुनेछ ।
कन्या (टो, प, पि, पु, ष, ण, ठ, पे, पो) –
आफन्त वा छरछिमेकको काममा खट्नुपर्दा व्यवस्तता बढ्नेछ । परिश्रम र मिहेनत गरेअनुरुप सफलता हात पर्नेछ । धार्मीक वा आध्यात्मिक बिषयमा रुचि बढ्ने देखिन्छ । स्वभावमा परिवर्तन आउनुका साथै मन शान्त रहनेछ । प्रेम र भाइचारालाई जीवन्त तुल्याउन प्रयास हुने देखिन्छ । ठूलाबडाको सल्लाह र सुझावले लिएर अघि बढ्दा रोकिएको काम बन्नसक्छ ।
तुला (र, रि, रु, रे, रो, ता, ति, तु, ते) –
समय र परिस्थिति अनूकुल छ, तर बाध्यतामा खुम्चिनुपर्दा इच्छा पूरा हुन सक्दैन । पतिपत्नीका बीचमा अविश्वास र भ्रम सिर्जना हुने देखिन्छ । विश्वस्त भएर आफ्नो काम र लक्ष्यप्रति अग्रसर भए सफलता मिल्नेछ । भविष्यको चिन्ताले मनमा नैराश्यता बढाउन सक्छ । तनाव लिनुको साटो कामको गुणस्तर सुधारका लागि प्रयास गर्नु उचित होला ।
बृश्चिक (तो, ना, नि, नु, ने, नो, या, यि, यु) –
सुख सुविधाप्रतिको मोह बढ्नुका साथै मन कल्पना र भावनामा रुमलिन सक्छ । सबैको सहयोग प्राप्त हुनाले कामबाट छिट्टै फुर्सद मिल्नेछ । रचनात्मक काममा हात हाल्ने मानसिकतासमेत बन्नसक्छ । काममा भन्दा पनि मन आनन्दप्राप्तिका निमित्त आकर्षित हुनेछ ।
धनु (ये, यो, भ, भि, भु, ध, फा, ढ, भे) –
मनमा घमण्ड र अहंकारको उदय हुने भएकाले सकभर गम्भीर बन्ने प्रयास गर्नुहोला । कामको बोझ बढ्नुका साथै प्रशासनिक र कानूनी झमेलामा फस्नसक्ने योग छ । बेकारको कुरामा आफ्नो जिद्दिपना प्रस्तुत गर्नाले निराशा र खिन्नता बढ्नसक्छ ।
मकर (भो, ज, जि, खि, खु, खे, खो, गा, गि) –
शिक्षाक्षेत्र, आर्थिक कारोबार, सुनचाँदी जस्ता व्यापारिका लागि आजको दिन निकै राम्रो छ । आत्मविश्वास बृद्धि हुनाले थप सफलता प्राप्त हुनेछ । पारिवारिक वातावरण ठिकै देखिन्छ । सन्तानको इच्छाअनुसार काम गर्ने हुँदा खर्च बढ्नसक्छ । विशेष व्यक्तिबाट उचित सल्लाह र सहयोग मिल्नेछ, जसले गर्दा तपाईँको तनाब हट्नसक्छ ।
कुम्भ (गु, गे, गो, सा, सि, सु, से, सो, द) –
धार्मिक र आध्यात्मिक कामका लागि समय व्यवस्थापन गर्नसके मानसिक तनाब कम हुनेछ । व्यवहारिक कारणले कारोबारमा बाधा हुनसक्छ । गरगहनाको व्यापारमा मनग्य लाभ पाउनुका साथै सञ्चारक्षेत्रको काममा सफलता मिल्नेछ । आर्थिक कारोबारबाट सकभर पछि हट्नु उचित होला ।
मीन (दि, दु, थ, झ, ञ, दे, दो, च, चि) –
मानसम्मान र प्रतिष्ठा प्राप्त हुने योग छ । साझेदारीमा कुनै व्यवसाय गर्दै हुनुहुन्छ भने विशेष ध्यान पुर्याउनु उपयुक्त होला । सहकर्मी वा साथिभइको सहयोगबाट कुनै महत्वपूर्ण काम सम्पन्न हुनेछ । कामको चाप बढ्ने देखिन्छ ।
ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
प्रतिक्रिया