खुम्बु क्षेत्रमा बारम्बार भूकम्को धक्का महसुस

सोलुखुम्बु । मंगलबार चीनको डिंग्रे काउन्टी केन्द्रबिन्दु बनाएर गएको ७ रेक्टर स्केलको भूकम्प पछि नेपालको खुम्बु क्षेत्रमा पटक पटक पराकम्पहरु जाने क्रम रोकिएको छैन् ।

बुधबार मात्रै खुम्बु क्षेत्रको दिङबोचे क्षेत्रमा ४ पटक भन्दा बढी पराकम्प महसुस गरिएको जिल्ला प्रशासन कार्यालय सोलुखुम्बुले जनाएको छ । प्रशानसका अनुसार लगातार पराकम्प जाने क्रम नरोकिएकाले त्यस क्षेत्रका स्थानिय बासिन्दा त्रसित बनेको र मुटु कपाउने चिसोमा पनि घरबाहिर बस्न बाध्य रहेका छन् ।

राष्ट्रिय भूकम्पमापन तथा अनुसन्धान केन्द्रका अनुसार मङ्गलबार बिहान ६ बजेर ५० मिनेट जाँदा नेपाल–चीन सीमा क्षेत्रमा पर्ने तिब्बतमा ७ म्याग्निच्युडको ठूलो भूकम्प गएको थियो ।

खुम्बु तिब्बत्को नजिकपर्ने भएकाले त्यस क्षेत्रमा बढी परकम्पको धक्का महसुस गरिएको हुनसक्ने बताइएको छ ।