गोरखामा मकैको खोस्टामा सल्किएको आगो फैलिँदा तीन घर जलेर नष्ट

गोरखा । गोरखाको आरुघाट गाउँपालिका–१ मान्वुस्थित स्याम्चेतमा आगलागी हुँदा तीन घर जलेर नष्ट भएको छ।

स्थानीय पूर्णबहादुर लामा, बुद्धिमान लामा र आइतसिङ लामाको घर जलेर नष्ट भएको जिल्ला प्रहरी कार्यालय गोरखाले जनाएको छ। शनिबार साँझ करिब साँढे ६ बजेको समयमा खाना बनाउन आगो बाल्ने क्रममा चुलो नजिकै रहेको मकैको खोस्टामा सल्किएर पूर्णबहादुरको घरमा आगलागी हुन पुगेको थियो ।

उक्त घरमा लागेको आगो फैलिएर नजिकै रहेको दुई घर समेत जलेर नष्ट भएको प्रहरीले जनाएको छ । प्रहरीका अनुसार आगलागीबाट सँगै रहेको बीरबहादुर लामाको घरमा समेत सामान्य क्षति भएको छ । आगलागीबाट पशुचौपाया तथा मानवीय क्षति भने नभएको प्रहरीले जानकारी दिएको छ ।

बाँकी रहेको पनि प्रहरीले जानकारी दिएको छ।