चर्चित बालगायक सचिन परियारको निधन,के भएको थियो उनलाई ?

काठमाडौं । चर्चित बालगायक सचिन परियारको निधन भएको छ ।

त्रिवि शिक्षण अस्पतालमा उपचारका क्रममा बिहीबार बिहान १० बजेर ४५ मिनेट जाँदा उनको निधन भएको हो । अस्पताल प्रशासनका अनुसार उनी करिब ४ देखि ५ दिन अस्पतालको आईसीयूमा भर्ना भई उपचाररत रहेका थिए । ‘सिभियर निमोनिया’ का कारण ‘पल्मोनरी ह्यामेरेज’ हुँदा उनको मृत्यु भएको बताइएको छ ।

भाइरल बाल गायकका रूपमा परिचित सचिनले थुप्रै गीत गाएका छन्, भने अभिनेता राजेश हमालसँग एक म्युजिक भिडियोमा अभिनय समेत गरेका छन् । हास्य टेलीशृङ्खला ‘मेरी बास्सै’मा पनि अभिनय गरेका उनको ‘रातो रबर एक’, ‘रुमाल खस्छ कि’, ‘के छ र हजुर’, ‘बरको छायाले’ लगायत गीत चर्चित छन् ।