एजेन्सी । अमेरिकी सहर न्यु अर्लिन्सको एक पर्यटकीय क्षेत्रमा नयाँ वर्ष मनाइरहेको भिडमा एक संदिग्धले ट्रक कुदाउँदा १५ जनाको मृत्यु भएको छ ।
फ्रेन्च क्वार्टर पनि भनिने उक्त स्थानमा नयाँ वर्ष मनाउन सयौं मानिसहरू जम्मा भएका थिए। स्थानीय समयअनुसार बिहान ३:१५ बजे एक संदिग्धले भिडमा ट्रक कुदाएपछि गाडीभित्रैबाट गोलीसमेत चलाएका थिए। अमेरिकी सञ्चारमाध्यमहरूका अनुसार १५ जनाको मृत्यु र कम्तिमा ३५ जना घाइते भएका छन्।
घाइते हुनेमा दुई प्रहरी पनि छन्। संदिग्ध ४२ वर्षीय शमशुद दिन जब्बर रहेको खुलेको छ। समाचार संस्था रोयटर्सले उनी अमेरिकी सेनाको निवृत्त सैनिक रहेको भनेको छ।
उसले चलाएको ट्रकमा आइएसआइएसको झन्डा लगाएको पनि भनिएको छ।
प्रतिक्रिया