काठमाडौं । पहिलो सिजनको नेपाल प्रिमियर लिग (एनपीएल) को उपाधि जनकपुर बोल्ट्सलाई दिलाउन मुख्य भुमिका खेलेका स्पिनर ललितनारायण राजवंशीले बाइक उपहार प्राप्त गरेका छन् ।
उनले अल्ट्राभाइलेट इलेक्ट्रिक बाइक प्राप्त गरेका हुन् । राजवंशीले प्रतियोगितामा १० इनिङ्स बलिङ गर्दै ४० ओभरमा २ सय १३ रन खर्चिएर १७ विकेट लिएका थिए । राजवंशीको शानदार प्रदर्शनले जनकपुरलाई उपाधि दिलाउन महत्वपूर्ण भूमिका खेलेको थियो । एनपिएलमा सर्वाधिक विकेट लिने खेलाडीहरूको सूचीमा उनी दोस्रो स्थानमा रहेका छन्।
जनकपुरका राजवंशीसँगै सुदूरपश्चिम रोयल्सका स्कट कुग्लिनले पनि समान १७ विकेट लिएका थिए।
प्रतिक्रिया