एनपीएल फाइनलः जनकपुरविरुद्ध टस जितेर ब्याटिङ गर्दै सुदूरपश्चिम

काठमाडौं । नेपाल प्रिमियर लिग (एनपिएल)को फाइनल खेलमा सुदूरपश्चिमले जनकपुरविरुद्ध टस जितेर ब्याटिङ रोजेको छ ।

शनिबार कीर्तिपुरस्थित त्रिवि क्रिकेट मैदानमा कप्तान दीपेन्द्रले टस जितेका हुन् । आसिफ शेखको कप्तानीमा रहेको जनकपुरले पहिलो बलिङ गर्नेछ । यसअघि जनकपुरलाई पहिलो क्वालिफायरमा हराउँदै सुदूरपश्चिम फाइनलमा स्थान बनाएको थियो ।

जनकपुर कर्णालीलाई इलिमिनेटरमा हराउँदै तेस्रो पटक सुदूरपश्चिमसँगको भेट पक्का गरेको हो ।