एनपीएल विशेषः कर्णालीले चितवनलाई दियो १ सय ७६ रनको लक्ष्य

काठमाडौं । नेपाल प्रिमियर लिग (एनपीएल) अन्तर्गत जारी खेलमा कर्णाली याक्सले चितवन राइनोजलाई १ सय ७६ रनको लक्ष्य दिएको छ ।

त्रिवि अन्तर्राष्ट्रिय क्रिकेट मैदानमा जारी एलिमिनेटर खेलमा कर्णालीले पूरै ओभर खेलेर ६ विकेटको क्षतिमा १ सय ७५ रन बनाएको हो । कर्णालीका लागि जयकिशन कोसावाला र विलियम बोसिस्टोले अर्धशतकीय पारी खेले । कोसावालाले ३९ बलमा ६ चौका र २ छक्का प्रहार गरे । बोसिस्टोले ३७ बलमा अर्धशतक पूरा गरेका हुन् ।

सो क्रममा उनले ३ चौका र २ छक्का प्रहार गरे । च्याडविक वाल्टनले अविजित ४६ रन बनाए । चितवनका लागि भने सोहेल तनवीरले २ तथा कुशल मल्ल, शरद भेषवाकर र रवि बोपाराले १–१ विकेट लिए ।