काठमाडौं । पोखरा एभेन्जर्सलाई ५ रनले पराजित गर्दै सुदूरपश्चिम रोयल्स जारी नेपाल प्रिमियर लिग (एनपीएल) को प्लेअफमा पुगेको छ ।
त्रिवि क्रिकेट मैदानमा आइतबार भएको दोस्रो खेलमा पोखरासँग रोमाञ्चक जित निकाल्दै सुदूरपश्चिम प्लेअफमा पुग्न सफल भएको हो । सुदूरपश्चिमले दिएको १ सय ५४ रनको लक्ष्य पछ्याएको पोखरा १९ दशमलव ४ ओभरमा १ सय ४८ रन बनाएर अलआउट हुन पुगेको थियो ।
यो जितसँगै सुदूरपश्चिम १० अंकसहित अंकतालिकाको शिर्ष स्थानमा उक्लिएको छ । हालसम्म ६ खेले खेलेको सुदूरपश्चिम १ खेलमा पराजित भएको छ भने ५ खेलमा जित निकालेको छ ।
सुदूरपश्चिमले लिग चरणको आफ्नो अन्तिम खेल सोमबार बिहान कर्णाली याक्ससँग खेल्नेछ ।
प्रतिक्रिया