काठमाडौं । नेपाल प्रिमियर लिग (एनपीएल) अन्तर्गत बिहीबारको दोस्रो जारी खेलमा जनकपुर बोल्ट्सविरुद्ध काठमाडौं गुर्खाजले १ सय २ रनको लक्ष्य प्रस्तुत गरेको छ ।
टस जितेर पहिले ब्याटिङ रोजेको काठमाडौं १९ दशमलव ३ ओभरमा १ सय १ रनमा अलआउट भएको थियो । काठमाडौंका लागि गेर्हार्ड इरास्मसले २० र कप्तान करण केसीले १९ रन बनाए । स्टिफन एस्किनाजीले १७ रन बनाए । अन्य खेलाडीले दोहोरो अंक छुन सकेनन् ।
जनकपुरका लागि ललित राजवंशी र शेर मल्लले ३-३, मोहम्मद मोहसिनले २ तथा किशोर महतो र अरनिको यादवले १-१ विकेट लिए ।
प्रतिक्रिया