एनपीएल विशेषः सुदूरपश्चिमको अपराजित यात्रामा ब्रेक, चितवन ३३ रनले विजयी

काठमाडौं । जारी नेपाल प्रिमियर लिग (एनपीएल) को आइतबारको दोस्रो खेलमा सुदूरपश्चिम रोयल्समाथि चितवन राइनोजले ३३ रनको महत्वपूर्ण जित हात पारेको छ ।

टस जितेर पहिला ब्याटिङको निर्णय लिएको चितवनले निर्धारित २० ओभरमा ५ विकेट गुमाएर १ सय ६४ रन बनायो । चितवनका लागि अफगान युवा ब्याटर हसन इसाखिलले सर्वाधिक ६५ रन बनाए । १ सय ६५ रनको लक्ष्य पछ्याएको सुदूरपश्चिम १ सय ३१ रन बनाउँदै अलआउट भयो । चार खेलमा सुदुर पश्चिमको यो पहिलो हार हो ।

यसअघि लगातार तीन खेल जितेको सुदूरपश्चिममाथि जित निकाल्दै चितवनले चार खेलमा तेस्रो जित हात पारेको छ । चितवनको जितमा कुशल मल्ल, लोफ्टी इटन, अमर रौटेलाले दुई दुई विकेट लिए ।