काठमाडौं । जारी नेपाल प्रिमियर लिग (एनपीएल) क्रिकेट प्रतियोगितामा जनकपुर बोल्ट्सले लुम्बिनी लायन्सलाई १ सय ३७ रनको लक्ष्य दिएको छ ।
टस हारेर ब्याटिङको निम्तो पाएको जनकपुरमा ९ विकेटको क्षतिमा १ सय ३६ रन बनाएको हो । जनकपुरले पहिलो विकेटका रुपमा छैटौं ओभरको तेस्रो बलमा ओपनर आशिफ शेखलाई गुमायो । १० बलमा २ चौका र १ छक्का हानेका आशिफ १६ रन बनाउँदा साद विन जफरको बलमा विवेक यादवको हातबाट क्याच आउट भए ।
एनपीएलमा डेब्यु खेल खेलिरहेका अविशेष गौतमले १३औं ओभरमा लगातार तीन विकेट लिए । उनले १३औं ओभरको दोस्रो बलमा २४ रन बनाएका लाहिरु मिलान्थलाई विकेट किपर अर्जुन साउदको हातबाट क्याच आउट गराए। सोही ओभरको चौथो बलमा हर्ष ठाकेरलाई १ रनमै दुर्गेश गुप्ताको हातबाट आउट गराए।
ओभरको अन्तिम बलमा जेम्स निसमलाई पनि आउट गराए । पाँचौं ओभरमा बलिङमा आएका अविशेषले आफ्नो पहिलो ओभरमा नै १३ रन खान पुगे। पुरै चार ओभर बलिङ गरेका अविशेषले २० रन दिए।
कप्तान रोहित पौडेल र सादविन जफरले समान दुई विकेट झारे। सन्दीप जोराले एक विकेट लिए।
प्रतिक्रिया