काठमाडौं । नेपाल प्रिमियर लिग (एनपीएल) अन्तर्गत आज बिहान भएको खेलमा पोखरा एभेन्जर्सलाई पराजित गर्दै जनकपुर बोल्ट्सले ह्याट्रिक जित निकालेको हो ।
यसअघि विराटनगर किङ्स र कर्णाली याक्समाथि शानदार जित निकालेको जनकपुरको जितको यात्रा रोकिएन । आफ्नो तेस्रो खेलमा पनि जनकपुरले पोखरामाथि शानदार जित निकाल्न सफल भयो । पहिले ब्याटिङ गरेको पोखराले सात विकेटको क्षतिमा १ सय ३९ रनको लक्ष्य प्रस्तुत गरेको थियो ।
जवाफी ब्याटिङ गरेको जनकपुरले १७.१ ओभरमा मात्र तीन विकेटको क्षतिमा लक्ष्य पूरा गर्यो। जनकपुरको जितमा लाहिरु मिलान्थाको ४५ रन तथा नीशमको अविजित ४० रनको योगदान दिएका थिए ।
प्रतिक्रिया