काठमाडौं । कीर्तिपुरको स्थानीय तह उपनिर्वाचनको मतगणना अन्तर्गत हालसम्म सार्वजनिक भएको मत परिणाम अनुसार नेपाली कांग्रेसका कृष्णमान डंगोलले आफ्नो अग्रता कायमै राखेका छन् ।
डंगोलले २ हजार ४ सय २१ मत प्राप्त गरेका छन् । उनी दोस्रो स्थानमा रहेका नेकपा एमालेका उम्मेदवारभन्दा ३ सय ६० मतले अगाडि छन् । एमाले उम्मेदवार डा. सुरेन्द्र मानन्धरले २ हजार ६१ मत प्राप्त गरेका छन् । यसैगरी नेकपा माओवादी केन्द्रका उम्मेदवार प्रा.डा. शिवशरण महर्जनले १ हजार ६ सय ७४ मत प्राप्त गरेका छन् ।
केटाकेटी चुनाव चिह्न लिएर प्रतिस्पर्धामा उत्रिएका राजमान महर्जनले ९ सय ६५ मत प्राप्त गरेका छन् ।
प्रतिक्रिया