काठमाडौं । पाकिस्तानमा जारी चौथो संस्करणको दृश्टिविहिन टी-२० विश्वकप क्रिकेटमा नेपाल पहिलो पटक सेमिफाइनलमा प्रवेश गरेको छ ।
६ टोलीको सहभागिता रहेको दृश्टिविहिन टी २० विश्वकपमा शनिबार लिग चरणका खेलहरु सकिएपछि सेमिफाइनलमा नेपालको स्थान सुरक्षित भएको हो । दृश्टिविहिनहरुको टी २० विश्वकप क्रिकेट अन्तर्गत यसअघि भएका तीन संस्करणमा नेपालले सहभागिता जनाएको थियो ।
तर, त्यसबखत नेपाल लिग चरण भन्दा अघि बढ्न सकेको थियो । यसपटक भने ३ खेलमा पराजय व्यहोरेको नेपाल २ खेलमा शानदार जित निकाल्दै सेमिफाइनलमा स्थान पक्का गर्न सफल भयो । दृश्टिविहिन टी २० विश्वकपमा सेमिफाइनलमा स्थान सुरक्षित गरेर नेपालले पहिलो पटक इतिहास रचेको छ ।
आइतबार पाकिस्तानको मुलतान क्रिकेट मैदानमा हुने सेमिफाइनल खेलमा नेपालले घरेलु टोली पाकिस्तानको सामना गर्नेछ । यस्तो श्रीलंका र बंगलादेश बीचको दोस्रो सेमिफाइनल खेल पनि आइतबार नै हुनेछ ।
प्रतिक्रिया