काठमाडौं । साताको दोस्रो कारोबारको दिन सोमबार सेयर बजार परिसूचक नेप्से परिसूचक दोहोरो अंकले बढेको छ ।
आज परिसूचक १५ दशमलव ८३ अंकले बढेर २६८३ दशमलव २४ बिन्दुमा अडिएको हो । यस दिन बजारमा १ करोड २२ लाख ६३ हजार ७८० कित्ता शेयर खरिदबिक्री हुँदा ६ अर्ब ३४ करोड ५८ लाख ९ हजार रुपैयाँको कारोबार भएको छ । अघिल्लो कारोबार दिन आइतबार १३ दशमलव ०३ अंकले घटेर परिसूचक २६६७ दशमलव ४० बिन्दुमा बन्द भएको थियो ।
दोहारो अंकले बढे पनि ङादी ग्रुप पावर लिमिटेडको शेयरमूल्य सबैभन्दा बढी १० प्रतिशतले घटेको छ ।
सोमबार कारोबारका आधारमा ङादी ग्रुप पावर लिमिटेड ५४ करोड ७ लाख ५० हजार रुपैयाँको कारोबारका साथ शीर्ष स्थानमा रहेको छ ।
प्रतिक्रिया