काठमाडौं । आगामी मंसिर १५ गतेबाट सुरु हुने नेपाल प्रिमियर लिग (एनपीएल) को फ्रेन्चाइज टोली विराटनगर किंग्सले जर्सी सार्वजनिक गरेको छ ।
विराटनगर किंग्सका मार्की प्लेयर सन्दीप लामिछानेले मंगलबार जर्सी सार्वजनिक गरेका हुन् । जर्सी सार्वजनिक कार्यक्रममा कोशी प्रदेशका मुख्यमन्त्री हिक्मतकुमार कार्कीले एनपीएलमा विराटनगर किंग्सले सफलता पाउने बताए । मुख्यमन्त्री कार्कीले खेलाडीको मनोबल बढाउन प्रदेश सरकारले खेलाडीको उच्च सम्मान गर्दै खेलकुदको विकास गर्ने प्रतिबद्धता जनाए ।
कार्यक्रममा सन्दीपले खेलप्रति दर्शकको माया र साथले ट्रफी जितेर ल्याउने अठोट व्यक्त गरे । कोशी प्रदेशको प्रतिनिधित्व गर्दै सबैको सफलताले टोली अगाडि बढ्ने उनको भनाइ थियो ।
टोलीको जर्सी अनावरण कार्यक्रममा विराटनगर किंग्सका खेलाडीहरू लोकेश चन्द, दीपक बोहोरा, सुवास भण्डारी, विनोद गुरुङ, प्रतिश जिसीलगायतको उपस्थिति थियो ।
प्रतिक्रिया