काठमाडौं । भारतको कर्नाटक यू–१९ सँग भएको तेस्रो अभ्यास खेलमा नेपालको यू १९ टोलीले शानदार जित निकालेको छ ।
यो जितसँगै जारी पाँच खेलको सिरिजमा नेपाल २–१ ले अगाडी रहेको छ। मुलपानी क्रिकेट मैदानमा नेपालले १ सय २१ रनको जित दर्ता गरेको हो। जितका लागि २ सय ८३ रनको लक्ष्य पछ्याएको कर्नाटकले ४०।२ ओभरमा अलआउट हुँदै १ सय ६१ रन जोड्यो। कर्नाटकका लागि ओपनर गगन रावले सर्वाधिक ४६ रन जोडे।
मध्यक्रममा शिवले २३ रन जोड्नुबाहेक अन्य ब्याटरले खासै योगदान दिन सकेनन्। त्यसअघि टस हारेपछि ब्याटिङको निम्तो पाएको नेपालले ५० ओभरमा ६ विकेट गुमाएर २ सय ८२ रनको बलियो योगफल खडा गरेको थियो ।
प्रतिक्रिया