काठमाडौं । दक्षिण अफ्रिकाविरुद्धको टी-२० सिरिजमा भारतले दोस्रो जित हासिल गरेको छ ।
गएराती भएको सिरिजको तेस्रो खेलमा भारतले ११ रनको जित हासिल गरेको हो । भारतले दिएको २ सय २० रनको लक्ष्य पछ्याएको दक्षिण अफ्रिकाले २० ओभरमा ७ विकेट गुमाउँदै २ सय ८ रन बनाएको थियो । दक्षिण अफ्रिकाका लागि मारको जानसेनले सर्बाधिक ५४ रन बनाएका थिए भने भारतीय बलर अर्शदीप सिंहले ३ विकेट लिएका थिए ।
यसअघि टस हारेर पहिला ब्याटिङ गरेको भारतले २० ओभरमा ६ विकेट गुमाउँदै २ सय १९ रन बनाएको थियो । भारतका लागि तिलक बर्माले १ सय ७ रनको शतकीय पारी खेलेका थिए भने अभिषेक शर्माले ५० रन बनाएका थिए ।
यो जितपछि भारतले ४ खेलको सिरिजमा २-१ को अग्रता हासिल गरेको छ ।
प्रतिक्रिया